Film

Nytt i 2010 er eit filmprosjekt. Ingrid Spildo Film har vore i Bøverdalen og gjort opptak av det bygda har å by på vinterstid. Filmselskapet er kjende for kjappe sekvensar av utøvarar på ekstremsportveko på Voss.

Reklamefilmen har fått namnet "Eventyrlege Bøverdalen" og skal syne fram det beste Bøverdalen har å by på for innbyggjarar, tilflyttarar og tilreisande. Filmen kan du sjå for fyrste gong på samfunnshuset sundag 7. mars klokka 16.00. Velkomne!

Det er gjort opptak på nærbutikken, i ljosløypa, hestar og ridning, skikøyring, i nasjonalparken, klatreparken og prøve-VM i truger. Filmen vil i ettertid kunne nyttast vederlagsfritt av til dømes reiselivsbedrifter i Bøverdalen og av privatpersonar. Vi håpar filmen vil gje glede, glød og begeistring til oss som brenn for Bøverdalen - og skape den samme kjensla hos andre!

Bøverbrus sin eigen blogg

Følg med på bloggen!

Festivalkomiteen for Bøverbrus bloggar om førebuingane til festivalen.